இந்தியாவில் காட்சிகளுக்கான அங்கிகாரம்...

இந்தியா சுதந்திரம் அடைந்து 2022ம் ஆண்டுடன் 75வருடங்களைப் பூர்த்தி செய்கின்றது. இந்தியா பல கட்சிமுறை கொண்ட நாடு.இங்கு அங்கிகரிக்கப்பட்ட அரசியல் கட்சிகள் இரண்டு விதமானவை.

1.தேசியக் கட்சி

2.மாநிலக் கட்சி

மாநிலக் கட்சியாக அங்கிகாரம் பெறவேண்டுமாயின் பின்வரும் நிபந்தனைகள் பூர்த்தி செய்யப்பட்டிருக்க வேண்டும்.

அ)

  01.தொடர்ந்து ஐந்து வருடங்கள் அரசியல் செயற்பாடு.

  

  02.மக்கள் பிரதிநிதிகள் அவையில் ஒவ்வொரு 25 உறுப்பினர்களுக்கும் ஒரு உறுப்பினர் என்ற             விகிதத்தில் உறுப்பினர்கள் இருக்கவேண்டும்.

 03.சட்டப் பேரவையில் ஒவ்வொரு 30  உறுப்பினர்களுக்கும் ஒரு   உறுப்பினர் என்ற  விகிதத்தில்          உறுப்பினர் இருக்க வேண்டும்.

ஆ)

  

01.சட்டப்பேரவைக்கு    நடைபெற்ற  தேர்தலில்   மொத்தம் பதிவான  வாக்குகளில்,                                 செல்லுபடியாகும்   வாக்குகளில்  நான்கு சதவீதமானது   வேட்பாளர் பெற்றிருக்கவேண்டும்.

     

  02.ஒரு தொகுதியில் போட்டியிட்ட பிரதான கட்சியின் வேட்பாளருக்கு அத்தொகுதியில் பதிவான

       வாக்குகளில் செல்லத்தக்க வாக்குகளில் 1/12 பங்கு  கிடைக்கவில்லையெனில்  அந்த                       வாக்குகள்  கணக்கில்   எடுத்துக் கொள்ளப்படுவதில்லை.

  

  03.தேர்தலில் வென்ற     வேட்பாளர்   தேர்தலுக்கு பின் வேறொரு கட்சியில்   சேர்ந்தால்                           அவ்வுறுப்பினர்  பெற்ற  வாக்குகள்   கணக்கில்    சேர்க்கப்படுவதில்லை.

மேலே குறிப்பிட்ட நிபந்தனைகளைக் கொண்டுள்ள கட்சி நான்கு மாநிலங்களில் அங்கிகாரத்திற்கு தகுதி பெறுமாயின் அது "தேசியக்கட்சி"யாக அங்கிகரிக்கப்படும். 

நா.இராஜமனோகரன்

09 ஜூன் 2022   

ReplyForward

கழுதைகளைத் தினமும் கட்டவிழ்த்து விடும் ஊடகங்கள்!

ஒரு கழுதை ஒரு மரத்தில் கட்டப்பட்டிருந்தது.  ஒரு இரவு ஒரு பேய் கயிற்றை வெட்டி கழுதையை விடுவித்தது.

கழுதை சென்று பக்கத்து விவசாயியின் நிலத்தில் வளர்ந்திருந்த பயிர்களை அழித்தது.  இதனால் ஆத்திரமடைந்த விவசாயியின் மனைவி கழுதையை சுட்டுக் கொன்றாள்.

கழுதையின் உரிமையாளருக்கு அதன் மரணம்  பேரிழப்பாக அமைந்தது. இதனால் கோபமடைந்த உரிமையாளர்  விவசாயியின் மனைவியை சுட்டுக் கொன்றார்.

மனைவியின் மரணத்தால் கோபமடைந்த விவசாயி ஒரு அரிவாளை எடுத்து கழுதையின் உரிமையாளரை வெட்டிக் கொன்றார்.

இதனால் மிகவும் கோபமடைந்த கழுதையின் உரிமையாளரின் மனைவி  மற்றும் அவரது மகன்களும் விவசாயியின் வீட்டிற்கு தீ வைத்தனர்.

விவசாயி, தனது வீட்டை சாம்பலாக மாற்றிய கழுதையின் உரிமையாளரின் மனைவி மற்றும் மகன்களைக் கொன்றார்.

கடைசியாக, விவசாயி வருத்தத்துடன்   "நீ ஏன் அனைவரையும் கொன்றாய்?" எனப் பேயைக் கேட்டார்.

பேய் பதிலளித்தது, "நான் யாரையும் கொல்லவில்லை, ஒரு கயிற்றில் கட்டப்பட்டிருந்த ஒரு கழுதையை மட்டுமே நான் விடுவித்தேன். பிசாசுகளை உங்களுக்குள் விடுவித்தது நீங்கள் அனைவரும் தான், அதன் பின்னர் ஏற்பட்ட மோசமான எல்லாவற்றிற்கும் காரணமாக இருந்தது நீங்கள் தான்."

இன்றைய ஊடகங்கள் அந்த பேய் போன்றது.  இது தினமும் கழுதைகளை விடுவிக்கிறது.  மக்கள் அதற்கு எதிர்வினையாற்றுகிறார்கள், சுய சிந்தனை இல்லாமல் ஒருவருக்கொருவர் வாதிடுகிறார்கள், ஒருவருக்கொருவர் காயப்படுத்திக் கொள்ளுகின்றனர்.

இறுதியில், ஊடகங்கள் தமது அனைத்து பொறுப்புகளையும் மறந்து மக்களை ஏமாற்றுகின்றன.  

எனவே, ஊடகங்கள் வெளியிடும் ஒவ்வொரு கழுதை மீதும் எதிர்வினையாற்றாமல் இருப்பது நமது பொறுப்பு, எங்கள் நண்பர்கள், உறவினர்கள் மற்றும் சமூகத்துடனான எங்கள் உறவை நாம் பாதுகாக்க வேண்டியது அவசியம்.

தமிழில்-நா.இராஜமனோகரன்

 அமெரிக்க ஜனாதிபதி தேர்தல் 

 ஒரு   சிறு விளக்கம்!

அமெரிக்க ஜனாதிபதியை எவ்வாறு தேர்ந்தெடுக்கின்றனர் என்பதை என்னால் முடிந்தளவு இலகுவாக விளக்க முயற்சிக்கிறேன்.

உலகில் தேர்தல் முறைகள் நாட்டுக்கு நாடு வேறுபடுபது போல அமெரிக்க தேர்தல் முறையும் வேறுபடுகின்றது. இதில் தேர்தல் கல்லூரி(Electoral College) என்ற சொற்பதம் தான் சிலருக்கு மயக்கத்தை ஏற்படுத்துவது.

நாம் இங்கு தேர்தல் வாக்குகளின்(Electoral Votes) தன்மை எவ்வாறு அமைகின்றது எனப் பார்ப்போம்,

       Representatives                  435

       Senators(50×2)                   100

       Federal District columbia.  03 (23வது அரசியல் சீர்திருத்தத்தின் மூலம் முக்கியமான விடயங்களை கையாளும் பகுதியாதலால் தேர்தல் கல்லூரியில் 03 ஆசனங்கள் வழங்கப்பட்டது)

மொத்தமாக 538 Electoral Votesக் கொண்டதாக காணப்படுகின்றது.

இங்கு கவனிக்க வேண்டிய அம்சம் தேர்வாளர்கள் அமெரிக்க மாகாண அளவில் மேற்கொள்ளப்படும் சனத்தொகை கணக்கெடுப்பின் மூலம் தீர்மானிக்கப்படுகின்றனர்.இந்த கணக்கெடுப்பு பத்து ஆண்டுகளுக்கு ஒரு முறை மேற்கொள்ளப்படுவதுடன், சனத்தொகை மாற்றத்திற்கு ஏற்ப பிரதிநிதிகளின் எண்ணிக்கை கூடிக்குறையலாம்.

இங்கு,அமெரிக்க தேர்தல் கல்லூரி(Electoral College) முறை அதன் வரலாற்று வேர்களுக்கூடாக உருப்பெறுகிறது, ஏனெனில் இது பொதுவாக மக்களின் வாக்குகளை மறைமுகமாக பிரதிபலிக்கிறது.

அதுமட்டுமன்றி சிறிய மாநிலங்களுக்கும் அதிக வலுவை அது கொடுக்கிற நடைமுறையை காணக் கூடியதாக உள்ளது.இதன் மூலம் சிறிய மாநிலங்களுக்கும் அரசியலமைப்பினூடாக அதற்குரிய மதிப்புகளை வழங்கி மற்றைய மாநிலங்களுடன் சிறிய மாநிலங்களையும் சமன் செய்கிறது.

உதாரணமாக, மிகப்பெரிய மாநிலமான Californiaவில் அமெரிக்க மக்கள் தொகையில் 12.03% மக்கள் உள்ளனர், ஆனால் அதற்கு 55 தேர்தல் கல்லூரி வாக்குகள் மட்டுமே வழங்கப்பட்டுள்ளது. இது தேர்தல் கல்லூரி மொத்தத்தில் 10.22% மட்டுமே.

குறைந்த மக்கள் தொகை கொண்ட மாநிலமான Wyoming அமெரிக்க மக்கள் தொகையில் 0.18% கொண்டுள்ள போதும்  தேர்தல் கல்லூரியில் அதன் மூன்று இடங்களுக்கும் கல்லூரி வாக்குகளில் 0.56% வாக்குகளை வழங்கியிருப்பது கவனிக்கத்தக்கது.

தேர்தல் கல்லூரி முறை என்பது ஒரு வேட்பாளர் நாடு முழுவதும் இருந்து தனக்குரிய வாக்குகளைப் பெற வேண்டும் என்பதன் அடிப்படையில் உருவாக்கப்பட்டது.

இவ்வாறு தேர்தல் கல்லூரிகளின் வாக்குகளே அமெரிக்க ஜனாதிபதியை தீர்மானிக்கும்.

இதற்கு தேர்தல் கல்லூரி வாக்குகளில் 270 மேல் ஒரு வேட்பாளர் பெறவேண்டியது அவசியமாகின்றது.

உதாரணமாக Texasஐ  எடுத்துக்கொண்டால் மக்கள் தொகை 28,995,881.Texas ஒதுக்கப்பட்ட தேர்தல் கல்லூரி வாக்குக்கள்(Electoral Votes)36 மற்றும் மேலவை உறுப்பினர் வாக்குகள்(Senators Votes)02 மொத்த வாக்குகள் 38.இங்கு,ஒரு தேர்தல் கல்லூரி வாக்காளர் ஏறத்தாள 664,000 மக்களைப் பிரதிநிதித்துவப்படுத்துவார்.

South Dakota ஐ எடுத்துக்கொண்டால் அதன் மக்கள் தொகை  884,659.அதற்கான தேர்தல் கல்லூரி வாக்கு 01 மற்றும் மேலவை உறுப்பினர் வாக்கு 02.இவ் மாநிலத்தின் மொத்த மக்களையும் பிரதிநிதித்துவ படுத்தும் பிரதிநிதிகள் மூன்று.இங்கு ஒரு பிரதிநிதி 294,800 மக்களை பிரதிநிதித்துவப்படுத்துவார்.

மேலும்,அமெரிக்காவில் தேர்தல் கல்லூரியால் அதிகளவு ஒதுக்கப்பட்ட  ஆசனங்களைக் கொண்ட மாநிலங்களாக

01.California-53+2=55

02.Texas-36+2=38

03.Florida-27+2=29

04.New York-27+2=29

05.Illinois-18+2=20

06.Pennsylvania-18+2=20

07.Ohio-16+2=18

08.Georgia-14+2=16

09.Michigan-14+2=16

10.North Carolina-13+2=15

11.New Jersey-12+2=14

12.Virginia-11+2=13

13.Washington-10+2=12 ஆகியவை காணப்படுகின்றன.

அதிக ஆசனங்களைக் கொண்ட மாநிலங்கள் முதல் பத்தையும் குறிவைத்து ஒரு அதிபர் பிரச்சாரத்தை மேற்கொண்டு மக்களை கவர்ந்தால் இலகுவாக வெற்றிக் கனியை பறித்து விடலாம். ஏனெனில் ஒரு மாநிலத்தின் தேர்தல் கல்லூரியால் ஒதுக்கப்பட்ட ஆசனங்களைப் பெற பொதுமக்களின் வாக்கில் 50.1%மேற்பட்ட வாக்குகளை அக்கட்சி வேட்பாளர் பெற்றால் போதும்.

உதாரணமாக 2020 தேர்தலில் Democrats கட்சியை சேர்ந்த  Joe Biden அவர்கள் Michiganல் 50.6%[2,788,425] Public votes பெற்றுள்ள அதே வேளை Republican party சேர்ந்த Trump அவர்கள் 47.9%[2,639,037] Public votes பெற்று பின் தள்ளப்பட்ட நிலையில் அதிக Public votes பெற்ற Joe Bidenக்கு Michiganன் electoral votes 16ம் வழங்கப்படும்.

எனவே ஜனாதிபதி வேட்பாளர் தனது பிரச்சாரத்தை தனக்கு அதிக வாக்கு வங்கியுள்ள மாநிலத்திலோ அல்லது வாக்கு வங்கி மிகக் குறைந்த இடத்திலோ மேற்கொள்ள மாட்டார்.அது அவருக்கு பிரயோசனம் அற்றது.ஏனெனில் 99% வாக்கைப் பெறுவதும் 50.1%பெறுவதும் ஒன்று தான்.எனவே, அவ்வாறான பிரதேசங்களில் பிரச்சாரம் செய்வது எந்த மாற்றத்தையும் தராது.எனவே அவர்களின் பிரச்சாரம் எல்லாம் இரு பிரதான கட்சிக்கும் போட்டியுள்ள இடங்களிலேயே இடம் பெறும்.

பொதுவாக மேலே குறிப்பிட்ட மாநிலங்கள் முதல் 10ல் தமது வெற்றியை உறுதிப்படுத்தும் வேட்பாளர் அமெரிக்க ஜனாதிபதியாவர்.ஏனெனில் அதன் மொத்த Electoral Votes 270 ஆகும்.

எனவே,அமெரிக்க ஜனாதிபதியின் வெற்றி என்பது அதிக தேர்தல் கல்லூரி பிரதிநிதிகளைக் கொண்ட மானிலங்களில்  பொது மக்கள் வாக்கை 50%மேல் தனது பக்கம் திரும்பும் வேட்பாளருக்கே உரியதாக அமையும்.

நா.இராஜமனோகரன்

05 November 2020.

தரணியில் தீப மானாய்!

வீணரை எதிர்த்து நின்று

    விடுதலை தீயில் வெந்து

ஆண்டுகள் ஒன்றை சென்ற

    ஆருயிர் தமிழே திலீபா!

தமிழ் தந்தான் வீதியிலே

    தமிழுக்காய் உயிர் தந்தாய்

உனை இழந்த இந்நாளில்

    உயிர் தமிழ்கள் கதறுதடா!

உரிமையை கோட்டையில் பேசி

    உணர்ச்சியாய் உரும்பிராயில் பேசி

நல்லூரில் நா நடுங்கபேசி

    நாமழ நீ பிரிந்தாயே!

அயல் நாட்டான் தலையீட்டால்

    அருந்தமிழே உனை இழந்தோம்

இதயம் வெடிக்கு  மிந்த

    இந்நாழும் நன் நாளோ!

ஓலக்கம் மீத மர்ந்து

    ஒப்பந்தம் நரிகள் செய்து

அடிமைக  ளாக்க எண்ண

     அகிம்சையில் போர் தொடுத்தாய்!

காந்தியின் தேசம் என்றார்

     காத்திடும் அகிம்சை என்றார்

உணவுநீர் ஒறுத்த உந்தன்

     உணர்வினை மதித்தா ரில்லை!

ஏற்றிய மெழுகாய் நீயும்

    எரிந்து நீ உருகிப்போனாய்

தமிழரின் உரிமை காக்க

    தரணியில் தீப மானாய்!

குறிப்பு :- திலீபனின் முதலாமாண்டு அன்று 'திலீபம்'இதழில் வந்த எனது கவிதை.இறுதி பகுதி மட்டும் நினைவில் இல்லாததால் மாற்றம் செய்துள்ளேன்.1991ல் உதயன் பத்திரிகையில் மீள்பிரசுரமானது.

இன்சுலின் என்றால் என்ன? What is insulin?

இன்சுலின் என்றால்... 

இன்சுலின் பாவனை

இரத்த சீனி மற்றும் ஆற்றல் உறிஞ்சுதலைக் கட்டுப்படுத்த இன்சுலின் ஒரு முக்கியமான ஹார்மோன் ஆகும்.

இன்சுலின் என்பது ஒரு இரசாயன தூதர், இது செல்கள் இரத்தத்திலிருந்து குளுக்கோஸ் என்ற சீனியை  உறிஞ்ச அனுமதிக்கிறது.

கணையம் என்பது வயிற்றுக்கு பின்னால் உள்ள ஒரு உறுப்பு ஆகும், இது உடலில் இன்சுலின் முக்கிய மூலமாகும்.

குளுக்கோஸின் அளவு அதிகமாக இருப்பதால், இரத்தத்தில் சீனியின் அளவை சமப்படுத்த  இன்சுலின் அதிக உற்பத்திக்கு செல்கிறது.

இன்சுலின் ஆற்றலுக்கான கொழுப்புகள் அல்லது புரதங்களை உடைக்க உதவுகிறது.

இன்சுலின் ஒரு நுட்பமான சமநிலையாக்கி, இரத்தத்தில் சீனி மற்றும் உடலில் பல செயல்முறைகளை ஒழுங்குபடுத்துகிறது. இன்சுலின் அளவு மிகக் குறைவாகவோ அல்லது அதிகமாகவோ இருந்தால், அதிகப்படியான அல்லது குறைந்த இரத்த சீனி அறிகுறிகளை ஏற்படுத்தத் தொடங்கும். குறைந்த  அல்லது அதிக  இரத்தத்தில் சீனி நிலை தொடர்ந்தால், கடுமையான உடல் நலப் பிரச்சினைகள் உருவாகத் தொடங்கும்.

இன்சுலின் பிறந்த கதை

படத்தில் நீங்கள் பார்ப்பது  நீரிழிவு (Diabetes) எனும் கொடிய உயிர் குடிக்கும் நோயால் பாதிக்கப்பட்ட தனது இறுதி நாட்களை எண்ணிக் கொண்டிருந்த ஒரு சிறுவன்

இரண்டாவது படத்தில் அவனது உயிர்காக்கும் அந்த மருந்து கிடைத்தவுடன் அவன் மீண்டும் பெற்ற வாழ்க்கை

ஆம்… அந்த உயிர்காக்கும் அமிர்தம் இன்சுலின் தான். நாள்தோறும் உலகின் பல கோடி மக்களின் உயிரைக்காப்பாற்றி வரும் இன்சுலின் பிறந்த கதை விந்தையானது.

Dr. பாண்டிங் எனும் அறுவை சிகிச்சை நிபுணர், அறிவியல் ஆராய்ச்சியில் பண்டித்தியம் கிடையாது. கார்போஹைட்ரேட் என்றால் பெரிதாக தெரியாது. அவர் ஒரு அறிவியல் ஆராய்ச்சியை படிக்கிறார்.

“கணையம் வெட்டி எடுக்கப்பட்ட நாய்களில் நீரிழிவு ஏற்படுவது குறித்த ஆராய்ச்சி கட்டுரை அது..” கணையம் முழுவதும் நீக்கப்பட்ட நாய்களில் நீரிழிவு நோய் ஏற்பட்டது, அதுவே கணையத்தில் இருந்து வரும் குழாயை (pancreatic duct) மட்டும் அடைத்தால் நீரிழிவு ஏற்படவில்லை.

இதைப்படித்ததும் அவருக்கு ஒரு யோசனை வருகிறது, அந்த ஒரு யோசனைதான் பலரது வாழ்க்கையில் விளக்கேற்ற இருக்கிறது என்பது அவருக்கு அப்போது தெரியாது.

நாயின் கணையத்தில் இருந்து குழாயை அடைத்து விட்டால் கணையம் முழுவதுமாய் இறந்து விடுகிறது. இருப்பினும் டயாபடிஸில் இருந்து தடுக்கும் ஏதோ ஒன்றை அந்த நாயின் மீதி இருக்கும் கணையம் சுரக்கிறது என்று அறிந்தார்.

மருத்துவர் பாண்டிங் (கண்ணாடி அணிந்திருப்பவர்) மற்றும் பெஸ்ட்.

இந்த அறிவியல் ஆய்வுக்காக டொரண்ட்டோ பல்கலைக்கழகத்தில் பேராசிரியராக இருந்த மெக்லியாய்ட் துணையை நாடுகிறார். அவரும் தனது ஆய்வகத்தில் ஒரு பகுதியையும், துணைக்கு Dr. பெஸ்ட் எனும் மருத்துவரையும் தருகிறார்.

பல நாள் ஆய்வுக்கு பிறகு நாயின் மிச்ச கணையத்தின் Islet of langerhans எனும் பகுதியில் இருந்து அந்த திரவத்தை எடுத்தனர். அதை கணையம் முழுவதும் நீக்கப்பட்டு நீரிழிவு உண்டாக்கப்பட்ட நாய்க்கு ஊசியாக செலுத்தினர்.

அந்த நாய்க்கு உடனடியாக ரத்தத்தில் உள்ள சர்க்கரை அளவுகள் குறைவதை கண்டனர். பின்பு அந்த திரவத்தை தூய்மை படுத்தி மனிதர்களுக்கு பயன்படுத்தி வெற்றி கண்டனர்.

அந்த உயிர் காக்கும் திரவம் தான் “இன்சுலின்” இந்த கண்டுபிடிப்புக்காக 1923-க்கான நோபல் பரிசு Dr. பாண்டிங் மற்றும் Dr. மெக்லியாய்ட் இருவருக்கும் வழங்கப்பட்டது.

இன்சுலின் கண்டறிந்து பாண்டிங் அதற்கான காப்புரிமையை மக்கள் அனைவரும் எளிதாக பெறுவதற்காக இலவசமாக அளித்தார். வரலாற்றில் நிலைத்தார்…

Understanding how a man's selflessness can change the world.

கரோஷி (カロシ)என்றால் என்ன?

ஜப்பானில் அதிக பணிச்சுமை காரணமாக 
பணிபுரியும் இடங்களில் ஏற்படும் மரணங்களைக் 
குறிப்பதற்கு இச் சொல் பயன்படுத்தப்படுகின்றது.

ஜப்பானைப் பொறுத்தவரை பணியாற்றுவது என்றால் 
காலை எட்டு மணி முதல் நான்கு மணி வரை வேலை 
செய்வது அல்ல. உறக்கம் கலைவதற்கு முன்பே 
அதிகாலை எழுந்து அலுவலகத்துக்கோ 
தொழிற்சாலைக்கோ சென்று விட வேண்டும். 
உணவு இடைவேளை என்பது பெயரளவுக்குதான். 
ஏதோ அள்ளிப் போட்டுக் கொண்டு இருக்கைக்குத் 
திரும்பிவிட வேண்டும். ஏற்கெனவே குவிந்திருக்கும் 
வேலைகளை செய்து முடிப்பதற்குள் புதிய சுமைகளை 
ஏற்றிக்கொண்டே போவார்கள். ஒவ்வொன்றுக்கும் 
காலக்கெடு நிர்ணயிக்கப்பட்டிருக்கும். குடும்பம், 
வீடு குழந்தைகள் எல்லாவற்றையும் மறந்துவிட்டு 
24 மணி நேரமும் வேலையைப் பற்றி மட்டுமே 
சிந்தித்து, வேலையை மட்டுமே செய்துகொண்டு 
வாழ்ந்தால்தான் சம்பளம் வரும். இல்லாவிட்டால் 
சம்பளம் பறிபோவதோடு ஏச்சு, பேச்சுகளுக்கு 
அவமானங்களுக்கு ஆளாக வேண்டியிருக்கும்.

நூற்றுக்கணக்கான தொழிலாளர்கள் ஜப்பானில் 
பணிச்சுமை காரணமாக இன்னமும் மாரடைப்பால் 
மரணம் அடைவதுடன், சிலருக்கு மன அழுத்தமும், 
சிலர் அமைதியாகத் தற்கொலையும் செய்து கொள்கின்றனர்.

வேலைச்சுமை தாளாமல் பெருகும் ‘கரோஷி’ 
கொலைகளை ஜப்பான் அரசாங்கம் நன்கு 
உணர்ந்திருக்கிறது. அது மட்டுமல்ல, 
ஐந்து தொழிலாளர்களில் ஒருவர் தீராத 
மன அழுத்தத்தால் பாதிக்கப்பட்டிருக்கிறார், 
அவர் அநேகமாக இறந்து விடுவார் 
என்பதையும் அரசு அறிந்தே இருக்கிறது. 


கரோஷியை முன்வைத்து பல்வேறு ஆய்வுகள் 
புள்ளிவிவரங்களுடன் வெளி வருவதையும்கூட 
அவர்கள் கவனித்துக்கொண்டுதான் 
இருக்கிறார்கள். எடுத்துக்காட்டுக்கு, 
டிசம்பர் 2015 முதல் ஜனவரி 2016 வரை நடத்தப்பட்ட 
கணக்கெடுப்பின்படி 22 சதவிகிதத்துக்கும் 
அதிகமாக தனியார் நிறுவனங்கள் மாதத்துக்கு
80 மணி நேரம்வரை ஓவர்டைம் செய்யுமாறு 
தங்கள் ஊழியர்களைக் கட்டாயப்படுத்துவது 
தெரிய வந்துள்ளது.அடங்க மறுக்கும் பசியுடன் 
கரோஷி ஜப்பானைச் சுழற்றியடித்துக் கொண்டிருக்கிறது. 

2015 கிறிஸ்துமஸ் தினத்தன்று மட்சுரி என்னும் 24 
வயது பெண் மாடியிலிருந்து குதித்துத் தற்கொலை
செய்து கொண்டார். மாதம் 100 மணி
நேரத்துக்கு மேல் மேலதிக வேலை(Overtime) 
செய்யுமாறு அவர் பணியாற்றிவந்த விளம்பர 
நிறுவனம் கட்டாயப்படுத்தியதால் மட்சுரிக்கு 
அதைத் தவிர வேறு வழி தெரியவில்லை. சில மணி நேர 
உறக்கத்துக்காக இறுதிவரை மட்சுரி ஏங்கித் 
தவித்திருப்பது தெரியவருகிறது.
ஓவர்டைம் என்றும் பெயருக்குதானே ஒழிய, 
பெரும்பாலான நிறுவனங்கள் அதற்காக கூடுதல்
ஊதியம் எதையும் அளிப்பதில்லை. ஆரம்பத்தில் 
ஒப்புக் கொண்ட சம்பளப் பணத்தை மட்டுமே 
அவை வழங்குகின்றன. ஆனால் ஒப்புக்கொண்ட 
பணி நேரத்தைவிட இருமடங்கு நேரம் வேலை 
செய்ய வேண்டும் என்று எதிர்பார்க்கின்றன. 

ஊழியர்களிடமிருந்து முடிந்தவரை உழைப்பைக் 
கசக்கிப் பிழிந்துகொள்ள வேண்டும் என்னும் 
வெறியுடன் செயற்கையாக வேலை நெருக்கடியை 
அவ்வப்போது உருவாக்கி, அசாதாரணமாக 
காலக்கெடுவை விதித்து ஊழியர்களை 
மனஅழுத்தத்துக்கும் தற்கொலைக்கும் 
தள்ளிவிடுகின்றன. ஊழியர்களின் உடல், 
மனம் இரண்டும் பாதிப்படையும் என்பது 
தெரிந்திருந்தும், கரோஷி மரணங்கள் 
அதிகரித்து வருவதைக் கண்ணால் கண்ட 
பிறகும் இந்நிறுவனங்கள் தங்களைச் சிறிதும் 
மாற்றிக் கொள்ளத் தயாராகயில்லை.
காரணம், இலாபவெறி, இதற்கு ஜப்பான் அரசின் 
அங்கீகாரமும் உண்டு. 

ஒவ்வொருமுறை கரோஷி நிகழும் போதும் 
முணுமுணுப்புகளும் எப்போதேனும் 
எதிர்ப்புகளும் கிளம்பும் என்றாலும் 
இவற்றால் பெரிய பாதிப்பு ஏற்பட்டுவிடாது 
என்பதை நிறுவனங்கள் உணர்ந்திருக்கின்றன. 
ஆம், தொழிலாளர் நலன்சார் சட்டதிட்டங்கள் 
இருக்கத்தான் செய்கின்றன. வேலை நேரம், 
விடுமுறை, குறைந்தபட்ச ஊதியம் போன்ற 
அங்கீகரிக்கப்பட்ட விதிமுறைகள் அனைத்தும் 
இருக்கத்தான் செய்கின்றன. ஆனால் 
அவையெல்லாமே காகிதத்தில் மட்டுமே 
சிறைபட்டுக் கிடக்கின்றன.எடுத்துக்காட்டுக்கு, 

சட்டப்படி 60 மணி நேரம் மட்டுமே ஒரு மாதம் 
ஓவர்டைம் செய்யலாம் என்றொரு சட்டவிதியை 
அரசு கொண்டுவந்தது. ஆனால், 
இதையும் நிறுவனங்கள் கண்டு கொள்ளவில்லை. 

அதிகப் பணி` என்று காரணம் சொல்லி 100 மணி 
நேரம் பணியாற்றும்படி ஊழியர்கள் 
கட்டாயப்படுத்தப்படுகின்றனர். இத்தகைய 
விதிமீறல்களை ஒவ்வொரு முறையும் 
கண்டும் காணாமலும் இருந்துவிடுகிறது அரசு. 
அந்த வகையில், அதிகரிக்கும் கரோஷி 
கொலைகளுக்குக் காரணம் தனியார் 
நிறுவனங்கள் மட்டுமல்ல, ஜப்பான் அரசும் தான்.
இலாபம். இந்த ஒன்றுக்காகத்தான் ஜப்பானிய
ஊழியர்கள் தொடர்ந்து கொல்லப்பட்டு வருகிறார்கள். 
இலாபத்தைப் பெருக்குவதற்காக எதையும் செய்யத் 

தயாராக இருக்கின்றனர், முதலாளிகள். 
தனியார்களைப்  பாதுகாக்க எதையும் செய்ய 
(அல்லது செய்யாமல் இருக்க) தயாராக இருக்கிறது அரசு.

அரசு என்பதே முதலாளித்துவத்தின் அடியாள் படையல்லவா?

கரோஷி என்பது வேண்டுமானால் ஜப்பானியச் 
சொல்லாக இருக்கலாம். ஆனால் ஜப்பானில் 
நடக்கும் எல்லாமே மற்ற நாடுகளிலும் நடைபெற்றுக் 
கொண்டிருப்பவைதாம். தொழிலாளர்களின் 
உழைப்பை உறிஞ்சிக்கொள்வதிலும், அவர்களை சுரண்டி 

ஒடுக்குவதிலும் வளர்ந்த நாடு, வளரும் நாடு 
இரண்டுக்கும் இடையில் எந்த வேறுபாடும் இல்லை. 
அந்த வகையில் ஜப்பானியத் தொழிலாளர்களின் 
பிரச்சினை என்பது உலகம் முழுவதிலுமுள்ள 
தொழிலாளி வர்க்கத்தின் பிரச்சினையும் கூடத்தான்.